Mi nòmber ta Naïsha Santiago

Un kurasoleño orguyoso ku su pashon i profeshon ta deporte i edukashon.

Mi ta un persona agradesí di tin bida i ku e oportunidat ku mi famia a duna mi.

Mi ta kla pa duna un aporte i tin un perseveransia inmenso.

Mi a bringa pa halsa mi mes for di nivel di ònderstant te na un persona ku awe ta riba averahe.

Mi ta un mucha ku segun tèst sentral ta tin ménos ku 45% chèns pa hal un mavo diploma. Finalmente mi a persistí i na 4-havo mi a switch pa MBO Administrateur. Despues mi a studia HBO Deporte i Moveshon. Tambe mi a bai hasi e Master Maneho di Deporte.

Mi ta kere den keda desaroyá bo mes, algun otro estudio ku mi a hasi ta riba nivel pedagógiko, stimulá motivashon serka hóben, susurá talento serka mucha, gemnastik, liderazgo.

Deporte

Deporte a forma parti di e persona ku mi ta awe, aki mi a siña di ta disiplina, kolaborá, dil ku pèrdida i éksito, pensa stratégiko, organisá, desaroyá abilidat na sosial i hopi mas.

Mi deporte prinsipal ta “Turnen” banda di esei mi a praktiká i orientá otro deportenan manera atletismo, basketbòl, fitness, futbòl, sòftbòl i vòlibòl.

Boso sa ku mi kier a bira un accountant, paso ta gana bon sèn? Laga mi konta boso.

Durante mi estudio di Administrateur nos tabata haña edukashon físiko. Den lès mi dosente ta opservá mi i e ta bisa mi “kiko bo ta hasi aki nan? Ta deporte bo mester bai hasi”. I e tabata tin rason. Ku esaki mi ta para pa empoderá e ser humano di kere den su mes i wak kiko e ta bon den dje of tin un talento of pashon pe i mir’e komo e regalo pa kiko bo ta riba mundu. Hasi esei bo profeshon. Mi ta kere firmamentu ku e echo ku bo ta lanta tur dia ku grasia i amor pa bai trabou ta kontribuí na bo propio felisidat.

Ambishon

Mi ta un persona ku ta “Make Things Happen” soñonan, no ta keda meramente un soño, mi ta traha pa nan bira realidat. Fo’i chikí mi kurason ta bisa pa duna un aporte na Kòrsou. P’esei 2012 mi a visualisá e siguiente stap ku mi kier a dal. Mi a diseñá un publikashon manera e lo a sali den nos korant lokal EXTRA ku e headliner “Naïsha Santiago yu di Kòrsou a regresá pa yuda Kòrsou. Dicho echo. Fei 2015 mi ta forma parti di e tim di maneho na Fundashon Desaroyo Deportivo Kòrsou. I tambe a fungi komo partaim dosente di Sportmanagement & Ondernemen na UDC.

Mi ta un hende ku ta “Defy The Odds”.

No laga niun hende label bo.

Si bo ke logra un kos bo tin ku gewoon bai be.

Kere den bo mes, kere den bo abilidat i bo soño.

Si bo ke bo soño bira realidat hiba un kombersashon kumi.

Mi ta duna bo e tools nan pa bo perseverá i finalmente realisá bo soño.