BAN EMPODERÁ KÒRSOU
Pueblo di Kòrsou,
Palabra di gratitut ta bai pa e trabou hasí dor di kada pèrsona ku a forma parti di e tim di krisis di COVID-19.
Mi a tuma nota ku un parti di nos pueblo, spesífikamente e pèrsona nan komun meresé mas atenshon pa yega na i òf realisá nan nesesidatnan.
Si bo kièr mira un kambio den esaki òf en general, nos mester di yuda otro, pues mi mester di bo yudansa!
Ku mi edukashon i eksperensia den maneho (di deporte i moveshon), komo dosente, entrenadó, atministradó, vishonario i mas mi ta pone mi mes disponibel pa elevá nos pais medio di pone énfasis riba:
Empoderá nos pueblo, nos hubentut i deporte.
Un pueblo empoderá ta un pueblo ku e kapasitdat, medio i poder pa manehá retonan tantu individual komo kolektivo yudando nan mes i otro pa maksimalisá kalidat di bida. Kalidat di Kòrsou!
Tuma kontakto kumi libremente pa un enkuentro pa inspirá i motivá otro pa un kambio pa nos dushi Kòrsou i asina huntu #BanEmpoderaKòrsou!